媽媽半夜瞓覺，雙腿突然抽筋！爸爸可以做乜？
網上文章多的是，但歸究都係兩大成因：一來撐起肥B，雙腿加重負擔，容易累積酸性代謝物，減慢血液循環， 所以唔好成日企或者著高跟鞋；二來，BB快高長大，特別骨骼發育，極需要經過胎盤攝入大量鈣質，自然媽媽嘅鈣質流失，肌肉神經興奮誘發抽筋。咁仲有咩辦法紓緩抽筋?
1. 臨瞓前幫媽媽熱敷雙腿，減輕腫脹不適，有利排除代謝物 2. 然後舒緩按壓，媽媽可以瞓床/梳化，伸直雙腿^，將腳跟放在三角枕/ 或者爸爸大髀上面，爸爸就可以大拇指輕輕按壓太衝穴 (位於第一趾與第二趾的趾縫上2寸處) & 小腿。
^ 貼士：媽媽牽拉雙腿，向上彎曲足底，腳後跟向外推 (圖片在comment box) 3.. 缺鈣當然要補鈣，食綠色蔬菜，例如西蘭花、芥蘭、菠菜，或者飲孕婦奶粉。
資料來源： 梵高爸爸 ※ 新手日記 2018/3/2
Comments