「BB已經16週，點解老婆仍有時腹痛? 醫生check過又一切正常? 」
作為老公要緩和太太緊張情緒，就要冷靜做研究， 據日本Toranoko婦產監修醫生解釋，呢個 "生理性腹脹" 係正常現象嚟嫁：
懷孕時腹脹係子宮收縮，子宮肌肉有伸展能力，懷孕前似雞蛋咁細，但臨盆前增至33~34cm，胎兒不斷成長，或者有時胎動，️子宮肌肉間或反射性收縮，誘發疼痛不適， 2~4個月腹脹主要係荷爾蒙轉變，黃體素增加，令子宮脹大。
另外，如果下腹兩側或鬼鼠位扯痛，純粹係子宮變大令兩側支撐子宮的圓韌帶被拉扯。 當然，腹痛亦有好多成因，亦可能係另一種 「病理性腹脹」。所以最好定期去搵專業醫生檢查。媽媽亦可以多d摸吓腹部，感受腹脹頻密度同強度喇！
陀BB係開心事，盡量放鬆心情，另一半收工就抽多d時間陪太太啦~
資料來源： 梵高爸爸 ※ 新手日記 2018/1/19
Comments